اسلام آباد: سی ڈی اے نے اسلام آباد ایکپریس وے پر پی ڈبلیو ڈی کے قریب ایک انڈر پاس اور کورنگ سائٹ پر پل تعمیر کرنے کا فیصلہ کر لیا ہے۔
یاد رہے کہ سگنل فری ایکپریس وے کو پی ایس ڈی پی کے تحت منظوری ملی ہوئی ہے مگر مناسب فنڈز نہ ہو نے کی وجہ سے کام رکا ہوا ہے۔ سی ڈی اے اس دیرینہ پراجیکٹ کا کچھ حصہ اپنےفنڈز سے تعمیرکریگا جس میں مذکورہ پراجیکٹس شامل ہیں تاکہ عوام کو روزانہ کی پریشانی کا سامنا نہ کرنا پڑے۔
یہ بھی ذکر کرنا ضروری ہے کہ سی ڈی اے نے ایکپریس وے کی کشادگی اور سگنل فری بنانے کیلئے حکومت سے 10ارب روپے مانگے تھے جس میں سے صرف 45ملین روپے مختص ہوئے۔
ایکپریس وے کی کشادگی اور سگنل فری بنانے کا کام پچھلی حکومت نے 2015میں شروع کیا تھا جس کے مطابق زیرو پوائنٹ سے لیکر جی ٹی روڈ تک پانچ لین شاہراہ بننی تھی۔ اس سلسلے میں زیرو پوائنٹ سے کورال تک کا کام مکمل ہو چکا ہے۔
