اسلام آباد: کیپیٹل ڈویلپمنٹ اتھارٹی نے اسلام آباد کے سیکٹرآئی 15 میں تعمیراتی کام شروع کردیا۔
اِس ضمن میں کنٹریکٹرز کو تیار کرلیا گیا ہے اور ایک کیمپ آفس کا قیام بھی کرلیا گیا ہے۔
سروے اور حدبندی کا کام شروع ہوگیا ہے جس کے بعد پہلے مرحلے میں روڈ انفراسٹرکچر بچھایا جائے گا۔ اگلے مرحلے میں نکاسی آب، سیوریج سسٹم، پانی، بجلی اور گیس کی فراہمی اور دیگر کام کیے جائیں گے۔
انتظامیہ نے دو ہفتوں کے اندر سروے اور حدبندی کا کام مکمل کرنے کی ہدایت کردی ہے تاکہ جلد سڑکوں کی تعمیر کا کام کیا جا سکے۔
اس سیکٹر کے قیام کا مقصد کم آمدنی والے افراد کے لیے رہائش کا بندوبست کرنا ہے۔
یہ قدم اُن بہت سے اقدام میں سے ایک ہے جو کہ سی ڈی اے کی انتظامیہ نے اٹھانے کا فیصلہ کیا جس کے تحت بہت عرصے سے نظر انداز سیکٹرز میں تعمیراتی کام کرنا ہے۔
اِس سے قبل جون میں سی ڈی اے نے تعمیراتی کام کا کنٹریکٹ نیاز اینڈ برادرز نامی بڈر کو دیا تھا۔ تعمیراتی کام کی این آئی ٹی لاگت 1128 ارب ہے۔
مزید خبروں اور اپڈیٹس کے لیے وزٹ کیجئے گرانا بلاگ۔
