اسلام آباد: کیپیٹل ڈویلپمنٹ اتھارٹی (سی ڈی اے) نے سپریم کورٹ کے احکامات کی تعمیل کرتے ہوئے پارک ویو سٹی ہاؤسنگ اسکیم کے حوالے سے این او سی بحال کردیا۔
مذکورہ ہاؤسنگ اسکیم پاکستان تحریک انصاف کے سابق رہنما عبدالعلیم خان اور ان کے فیملی ممبر کی ملکیت ہے اور یہ وفاقی دارالحکومت کے زون IV میں واقع ہے۔
اس سے قبل جنوری 2021 میں اسلام آباد ہائی کورٹ کے احکامات کے مطابق پارک ویو ہاؤسنگ سوسائٹی کو غیر قانونی قرار دیے جانے پر سی ڈی اے نے ہاؤسنگ سوسائٹی کا این او سی منسوخ کر دیا تھا۔
یاد رہے سوسائٹی کو سائٹ تک سڑک کی تعمیر کے لیے سی ڈی اے کی حاصل کردہ اراضی کا ایک حصہ استعمال کرنے کی اجازت دینے کے بعد این او سی دیا گیا۔
مزید خبروں اور اپڈیٹس کیلئے وزٹ کیجئے گرانہ بلاگ۔
