سی ڈی اے نے ایڈیشنل کوورڈ ایریا کی لاگت میں 55 فیصد کمی کردی

اسلام آباد: کیپیٹل ڈویلپمنٹ اتھارٹی نے کمرشل عمارات کے ایڈیشنل کوورڈ ایریا کی لاگت میں 55 فیصد کمی کردی۔

سی ڈی اے افسران کا کہنا ہے کہ یہ قدم وفاقی حکومت کے کہنے پر لیا گیا جو کہ تعمیراتی صنعت کے فروغ کے لیے کوشاں ہے۔

2017 سے یہ ریٹس طے شدہ تھے مگر اب اس میں 55 فیصد تک کمی کر دی گئی ہے۔

چیرمین سی ڈی اے عامر علی احمد نے یہ فیصلہ کیا ہے کہ آئی ٹی یعنی انفارمیشن ٹیکنالوجی کو منظور شدہ انڈسٹریل سیکٹرز آئی نائن اور آئی ٹین کی ٹریڈ لسٹ میں شامل کیا جائے۔

اُنہوں نے پلاٹ مالکان کو یہ اجازت دی کہ اپنے بلڈنگ پلاٹس میں معتدد کاروبار کر سکیں۔

1963 کی مینوفیکچرنگ ایریا زوننگ ریگولیشن نے دو سیکٹرز میں ایک سے زائد انڈسٹری لگانے پر پابندی عائد کر رکھی تھی پر اب سی ڈی اے بورڈ نے اس میں ترمیم کردی ہے۔

اتھارٹی کا یہ کہنا ہے کہ جب ایک پلاٹ پر معتدد قسم کے ٹریڈ ہوں گے تو ترقی کی نئی راہیں ہموار ہوں گی۔

اتھارٹی کا کہنا ہے کہ ماضی میں پلاٹ کاروباری ضرورت کے تحت دیے جاتے تھے مگر اب صنعت کے فروغ کے لیے ایک جگہ پر معتدد کاروباری سرگرمیوں کی اجازت دی جائے گی۔

علاوہ ازیں سی ڈی اے بورڈ نے یہ فیصلہ کیا کہ کمرشل عمارات کی لیز رینیول ایک لاکھ روپے کر دی جائے۔

مزید خبروں اور اپڈیٹس کے لیے وزٹ کیجئے گرانا بلاگ۔