اسلام آباد: کیپیٹل ڈیولپمنٹ اتھارٹی (سی ڈی اے) نے جاری ترقیاتی کاموں کی نگرانی اور مشاورت میں شمولیت کیلئے تاجروں، طلبہ اور رہائشیوں کی رضاکار ٹیمیں بنانے کے ساتھ ساتھ ایک موبائل ایپ بھی متعارف کرانے کا فیصلہ کیا ہے۔
رضاکار ٹیمیں جاری ترقیاتی منصوبوں کی کارکردگی کا معائنہ کریں گی اور سی ڈی اے کی ویب سائٹ کے ذریعے واپس متعلقہ حکام کو رپورٹ کیا کریں گی۔
سی ڈی اے حکام کے مطابق اس اقدام کو یقینی بنانے کے لیے ایک فارم تیار کیا گیا ہے جسے سب میں تقسیم کر دیا جائے گا اور شہری چیک لسٹ کے مطابق ترقیاتی کاموں کا جائزہ لیں گے۔
علاوہ ازیں یکم اگست 2021 تک ایک موبائل ایپ بھی متعارف کرانے کا فیصلہ کیا گیا ہے جہاں لوگ پارکس، سٹریٹ لائٹس اور دیگر معاملات سے متعلق اپنی کسی بھی شکایت کو پوسٹ کر سکیں گے۔
مزید خبروں اور اپڈیٹس کے لیے وزٹ کیجئے گرانہ بلاگ۔
