سی ڈی اے کا بہارہ کہو بائی پاس کی تعمیر کا فیصلہ

اسلام آباد: وفاقی حکومت کی ہدایت پر کیپٹل ڈیویلپمنٹ اتھارٹی (سی ڈی اے) نے بہارہ کہو بائی پاس تعمیر کرنے کا فیصلہ کر لیا ہے جبکہ اس منصوبے کا بنیادی مقصد ملکہ کوہسار جانے والے راستوں پر ٹریفک کے دباؤ میں کمی لانا ہے۔

سی ڈی اے حکام کے مطابق پلاننگ ونگ نے اس شاہراہ کا ڈیزائن تیار کر لیا ہے اور روڈ ڈائریکٹوریٹ اس منصوبہ کی ابتدائی لاگت کے تخمینے سے متعلق بھی متعلقہ حکام کو آگاہ کر چکا ہے۔

حکام کے مطابق یہ سڑک چار رویہ ہو گی اور قائد اعظم یونیورسٹی کے قریب شاہدرہ سے شروع ہو کر کوٹ ہتھیال سے آگے مرکزی شاہراہ پر اختتام پذیر ہو گی۔

سی ڈی اے کا کہنا ہے کہ اس منصوبے کا بنیادی مقصد مری جانے کے لیے بہارہ کہو بازار کے رَش سے بچتے ہوئے متبادل راستہ اختیار کرنا ہے تاکہ وہاں شہر میں ٹریفک کے دباؤ میں کمی لائی جا سکے۔

مزید خبروں اور اپڈیٹس کیلئے وزٹ کیجئے گرانہ بلاگ۔