اسلام آباد: وفاقی ترقیاتی ادارے کیپٹل ڈیویلپمنٹ اتھارٹی (سی ڈی اے) نے ماحولیاتی نے ماحولیاتی تبدیلیوں کے پیشِ نظر وفاقی دارالحکومت اسلام آباد میں واقع ایف نائن پارک کے بعد شہر میں مارگلہ روڈ سے متصل دوسرے بڑے پارک کی تعمیر کا تعمیر کا فیصلہ کر لیا ہے۔
سی ڈی اے حکام کے مطابق ادارے کے شعبہ ماحولیات کے عملے نے تعمیراتی عمل کے آغاز سے قبل پارک کی جگہ کی حد بندی کے لیے وہاں نشانات لگانے کا کام شروع کر دیا ہے۔
حکام کا کہنا ہے کہ پارک کی تعمیر کے لیے سی ڈی اے نے زون تھری کی 4000 کنال اراضی میں سے 2000 کنال کے استعمال کی منصوبہ بندی اور تمام دستاویزی امُور پر کام مکمل کر لیا ہے۔
وفاقی حکومت کی جانب سے سی ڈی اے کو یہ ہدایات جاری کی گئی تھیں کی وہ شہر میں ایک نئے پارک کی تعمیر یقینی بنائے جس کے لیے وفاقی ترقیاتی ادارے نے مارگلہ روڈ سے متصل زون تھری کی اراضی کو استعمال میں لانے کا فیصلہ کیا ہے۔
حکام کے مطابق نئے مجوزہ پارک کا رقبہ مجموعی طور پر 155 ایکڑ پر محیط ہو گا اور اسے وفاقی دارالحکومت کا دوسرا بڑا پارک قرار دیا جا رہا ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
