اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے وفاقی دارالحکومت میں رہائشی اور کمرشل پراپرٹی کے ریکارڈز کی آٹومیشن کا فیصلہ کیا ہے۔ گزشتہ نو برس سے اسلام آباد میں پراپرٹی کے ریکارڈ کی آٹو میشن کا فیصلہ زیرِ غور تھا۔ اس کا مقصد بوگس اور فراڈ کیسز سے بچاؤ ہے۔
تفصیلات کے مطابق سی ڈی اے کے چیئرمین کیپٹن (ر) انوار الحق کی زیر صدارت سی ڈی اے ڈویلپمنٹ ورکنگ پارٹی کا اجلاس منعقد ہوا۔ اجلاس میں اہداف کے حصول کے لیے آٹومیشن پراجیکٹ کے 170 ملین روپے کے پی سی ون کی منظوری دی گئی۔
مزید یہ کہ اجلاس میں وزارت خزانہ، منصوبہ بندی اور داخلہ کے حکام نے شرکت کی۔ تفصیلات کے مطابق پراپرٹی ریکارڈ کی آٹومیشن کا ٹھیکہ سرکاری فرم کو دیا جائے گا۔ یہ فرم دو سال کی مدت میں 45 ملین کاغذات کے ریکارڈ کو کمپیوٹرائز کرنے کی ذمہ دار ہوگی۔ فرم پراپرٹی ریکارڈ کے آٹومیشن ورک برقرار رکھنے اور چلانے کی بھی ذمہ دار ہوگی۔
مزید خبروں اور اپڈیٹس کیلئے وزٹ کیجئے گرانہ بلاگ
