اسلام آباد: چیئرمین کیپٹل ڈویلپمنٹ اتھارٹی (سی ڈی اے) کیپٹن (ر) نورالامین مینگل نے سی ڈی اے افسران کے ساتھ میٹنگ میں ترقیاتی منصوبوں کی بروقت تکمیل میں حائل رکاوٹوں کو دور کرنے کی ہدایات جاری کی ہیں۔
تفصیلات کے مطابق نیز انہوں نے وفاقی دارالحکومت کے رہائشیوں کو مناسب اور محفوظ پانی کی فراہمی کو یقینی بنانے کی ضرورت پر بھی زور دیا۔چیئرمین سی ڈی اے کے حکم پر ڈی جی انفورسمنٹ شاہجہاں کی سربراہی میں اور اسلام آباد انتظامیہ کی معاونت سے انفورسمنٹ ٹیموں نے آئی جے پی روڈ پر قائم درجنوں غیر قانونی بس سٹینڈز اور پھلوں اور سبزیوں کے سٹالز کو مسمار کر دیا۔
چیئرمین نے الیونتھ ایونیو کے راستے کو بھی صاف کرنے کا حکم دیا اور علاقے میں قبضہ مافیا کے خلاف آپریشن کی ہدایات دیں۔ نیز سی ڈی اے کے انفورسمنٹ ونگ کے اہلکاروں نے کھنہ پل کے ایک لوپ سے دکانداروں کو ہٹا دیا اور F-6/4 کے علاقے میں تجاوزات کے خلاف آپریشن شروع کیا۔
مزید یہ کہ اسٹیٹ آفس کے اہلکاروں نے بھی علاقے میں تجاوزات کی نشاندہی میں مدد فراہم کی جبکہ ڈی جی انفورسمنٹ نے چیئرمین کے ویژن کے مطابق انسداد تجاوزات آپریشن جاری رکھنے کا عہد کیا۔
مزید خبروں اور اپڈیٹس کیلئے وزٹ کیجئے گرانہ بلاگ۔
