اسلام آباد: کیپیٹل ڈویلپمنٹ اتھارٹی (سی ڈی اے) کے زیرِ اہتمام نیلامی کے پہلے روز 8 پلاٹس 22 ارب 11 کروڑ سے زائد کی مالیت میں فروخت کیے گئے۔ منگل کے دن نیلامی کے پہلے روز سرمایہ کاروں اور عوام کی کثیر تعداد نے شرکت کی۔
پلاٹوں کی نیلامی اسلام آباد کے کنونشن سینٹر میں 26 جنوری تک وفاقی ترقیاتی ادارے (سی ڈی اے) کی جانب سے کی جا رہی ہے۔ حکام کے مطابق وفاقی دارالحکومت کے 12 کمرشل اور 46 رہائشی سیکٹرز کے پلاٹوں کی نیلامی کی جانی ہے۔
اسلام آباد کی تاریخ کا سب سے مہنگا ترین پلاٹ 8 ارب 54 کروڑ روپے سے زائد کی مالیت میں فروخت کیا گیا ہے۔ بلیو ایریا کا پلاٹ نمبر تیرہ 30 لاکھ ایک ہزار روپے فی مربہ گز میں فروخت ہوا جبکہ بلیو ایریا کا ہی ایک اور پلاٹ نمبر دو 26 لاکھ 34 ہزار روپے فی مربہ گز میں فروخت کیا گیا۔
نیلامی کی نگرانی سی ڈی اے ممبر فنانس کی سربراہی میں قائم کی گئی نیلامی کمیٹی کررہی ہے۔ کمیٹی کے دیگر ارکان میں ممبر اسٹیٹ، ممبر پلاننگ اینڈ ڈیزائن، ڈی ایف اےII ، ڈی جی لاء، ڈرایکٹر پبلک ریلیشنز، ڈ ائریکٹر اربن پلاننگ، ڈ ا ئریکٹر ریجنل پلاننگ، ڈائریکٹر اسٹیٹ منیجمنٹ II اور ڈائریکٹر فنانس کر رہے ہیں۔
علاوہ ازیں باقی رہائشی اور کمرشل پلاٹس کی نیلامی 25 اور 26 جنوری 2023 کو کنونشن سینٹر اسلام آباد میں ہی منعقد ہوگی۔موصول ہونے والی بولیوں کو جانچ پڑتال کے بعد سی ڈی اے بورڈ کے سامنے پیش کیا جائے گا جو بولیوں کو منظور یا مسترد کرنے کا مجاز فورم ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
