سی ڈی اے نے اسلام آباد میں متعدد ترقیاتی منصوبوں کی منظوری دے دی

اسلام آباد: کیپیٹل ڈویلپمنٹ اتھارٹی (سی ڈی اے) نے اربوں روپے کے کئی نئے ترقیاتی منصوبوں کی منظوری دی ہے۔اس کا مقصد اسلام آباد کے شہریوں اور دیہی رہائشیوں کے معیار زندگی کو بہتر بنانا ہے۔

تفصیلات کے مطابق ڈویلپمنٹ ورکنگ پارٹی (DWP) کے اجلاس میں دیہی علاقوں میں ترقیاتی کاموں اور ترقی کے منصوبوں کا دائرہ کار بڑھاتے ہوئے 10.5 ارب روپے پی سی ون اسکیم کی منظوری دی گئی۔ یہ منصوبہ دیہی علاقوں میں سڑکوں اور گلیون کی تعمیر، پانی کی فراہمی کے نظام اور صفائی کے نظام کی مرمت پر کام کرے گا۔ اور یہ  منصوبہ دو سال کے اندر مکمل کیے جانے کی امید ہے۔

مزید یہ کہ سی ڈی اے نے 2,120 ملین روپے لاگت کے چٹھہ بختاور ہاؤسنگ سکیم کی بھی منظوری دے دی ہے۔ اور  1,424 ملین روپے کے ایک اور پراجیکٹ، روات ٹی چوک پر N-5 گوجر خان سائیڈ سے اسلام آباد ہائی وے تک دوہرے فلائی اوور کی تعمیر کے لیے بھی منظوری دی گئی ہے۔ اس فلائی اوور کی تعمیر رواں برس نو ماہ کے اندر مکمل ہونے کی امید ہے۔

علاوہ ازیں، سی ڈی اے نے اسلام آباد بس سروس منصوبے کے لیے نظرثانی شدہ PC-I کی منظوری دے دی ہے، جس کی لاگت کم از کم 9,614 ملین روپے ہے۔ نیز سینی ٹیشن ڈائریکٹوریٹ کے لیے نئی مشینری خریدنے کے پیش نظر 2573 ملین روپے کے پراجیکٹ کی منظوری دی گئی ہے۔ مزید برآں مارگلہ انڈر پاس کے ذریعے گارڈن ایونیو اور مری روڈ کے درمیان لنک روڈ کے لیے 142 ملین روپے کی منظوری دی گئی ہے۔

سی ڈی اے نے ایک منصوبے کی توسیع کے لیے سری نگر ہائی وے 7^th ایونیو سے سرینا چوک تک پی سی ون کےتحت 4,109 ملین روپے لاگت کے ایک انڈر پاس کی تعمیر کی بھی منظوری دی ہے۔

مزید خبروں اور اپڈیٹس کیلئے وزٹ کیجئے گرانہ بلاگ۔