اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے بورڈ میٹنگ میں کمرشل پلاٹوں کی نیلامی کی منظوری دے دی ہے۔
تفصیلات کے مطابق چیئرمین سی ڈی اے نور الامین مینگل کی زیر صدارت بورڈ کا اجلاس ہوا۔ اجلاس میں 30جنوری کو ہونے والی کمرشل نیلامی کی باضابطہ طور پر منظوری دے دی گئی۔ علاوہ ازیں بورڈ نے آئندہ آنے والی نیلامی کی تیاریوں کی بھی منظوری دیدی۔
اجلاس میں ڈپلومیٹک انکلیو کے ماسٹر پلان میں تبدیلی کی بھی منظوری دی گئی ہے۔ سی ڈی اے بورڈ نے ورچوئل یونیورسٹی کیلئے زمین کی منظوری نئی لاء فرم ویجینلس یونٹ کی منظوری جبکہ ممبر انجینئرنگ کے 2ممبر انوائمنٹ اور 2ممبر پلاننگ کے 4 پروجیکٹ سمیت تمام 15 نکاتی ایجنڈے کی منظوری دی ہے۔
نیز بورڈ اجلاس میں تمام پارکس کی انٹری فیس ختم کرنے کا فیصلہ کیا گیا ہے۔ ایف نائن پارک، لیک ویو پارک، دامن کوہ اور دیگر پارکوں میں عام عوام کے لئے داخلہ فری ہو گا۔ بورڈ نے اسلام آباد میں مزید 13 روٹس پر فیڈر بسیں چلانے کی منظوری بھی دی۔ مزید براں، سرینہ چوک کو ری ڈیزائن کرنے کی اصولی منظوری دی گئی جس کے تحت سرینہ چوک پر سنگل بیرل انڈر پاس تعمیر کیا جائے گا۔
شہر میں مزید پارکنگ پلازوں کی تعمیر کے منصوبے کا پی سی ٹو بھی منظور کیا گیا۔ یہ پارکنگ پلازے ایف ایٹ مرکز، ایف ٹین مرکز، آئی ایٹ مرکز، جی نائن مرکز اور بلیو ایریا میں تعمیر کئے جائیں گی۔
مزید خبروں اور اپڈیٹس کیلئے وزٹ کیجئے گرانہ بلاگ۔
