لاہور: سینٹرل بزنس ڈسٹرکٹ (سی بی ڈی) پنجاب نے سول ایوی ایشن اتھارٹی سے 750 فُٹ بلندی پر تعمیرات کرنے کی اجازت لے لی۔
سوموار کو جاری کردہ پریس ریلیز میں یہ کہا گیا کہ یہ ایک اہم سنگ میل اور تاریخ ساز کامیابی ہے۔
سول ایوی ایشن اتھارٹی نے پاکستان ائیرفورس کے ساتھ مل کر تحقیق کی جس میں تمام پہلوؤں کا بغور جائزہ لیا گیا۔
مکمل تحقیق کے بعد سول ایوی ایشن کی جانب سے پروازوں کے تحفظ کی یقین دہانی کرواتے ہوئے منظوری دی گئی۔
سی بی ڈی کے سی ای او عمران امین کا کہنا تھا کہ 750 فُٹ بلند تعمیرات کا اجازت نامہ رئیل اسٹیٹ اور کنسٹرکشن سیکٹر کی دنیا میں ایک انقلابی قدم ہے۔
انہوں نے سول ایوی ایشن اتھارٹی اور پاکستان ائیرفورس کا ان کی پیشہ ورانہ خدمات کے حوالے سے خصوصی شکریہ ادا کیا۔
مزید خبروں اور اپڈیٹس کے لئے وزٹ کیجئے گرانہ بلاگ۔
