عمارتوں کے بلڈنگ پلانز کی جلد از جلد منظوری دی جائے۔ چیئرمین سی ڈی اے

اسلام آباد:وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کے نئے چیئرمین کیپٹن (ر) انوار الحق نے عمارتوں کے جمع کرائے گئے بلڈنگ پلانز کی جلد از جلد منظوری کی ہدایات دیں۔

 تفصیلات کے مطابق چیئرمین سی ڈی اے کیپٹن (ر) انوار الحق نے آج جمعہ کے روز ون ونڈو سٹیزن فیسیلٹیشن سینٹر کا اچانک دورہ کیا۔ انہوں نے سینٹر میں دی جانے والی سہولیات کا جائزہ لیا اور مختلف کاؤئنڑز کا دورہ کیا

مزید براں، چیئرمین سی ڈی اےنے ون ونڈو سٹیزن فیسیلٹیشن سینٹر پر آئے ہوئے شہریوں سے فراہم کی جانے والی سہولیات کے بارے میں فیڈ بیک لیا۔ نیز انھوں نے ہدایت کی کہ سہولیاتی سینٹر پر دی جانے والی سہولیات سے متعلق جامع رپورٹ پیش کی جائے۔

علاوہ ازیں چیئرمین سی ڈی اے نے بلڈنگ کنٹرول ڈرایکٹریٹ کا بھی دورہ کیا۔ اور ہدایت کی کہ عمارتوں کے جمع کروائے گئے بلڈنگ پلانز کی جلد از جلد منظوری دی جائے۔ اور کوشش کی جائے کہ شہریوں کے بار بار دفتر کے چکر نہ لگیں۔ اور انکے مسائل انکی دہلیز پر حل کئے جائیں۔

مزید یہ کہ چیئرمین کیپیٹل ڈویلپمنٹ اتھارٹی کیپٹن (ر) انوار الحق نے کہا کہ شہریوں کو دی جانے والی سہولیات کے سلسلے میں کسی بھی قسم کی کوئی کوتاہی ہرگز برداشت نہیں کی جائے گی۔ لوگوں کو پریشان کرنے والے عناصر یا بدعنوانی میں ملوث پائے گئے ملازمین اور افسران کے خلاف سخت کارروائی عمل میں لائی جائے گی۔ انہوں نے ایک جامع رپورٹ طلب کرتے ہوئے زیرِ التواء درخواستیں طلب کیں۔ اور آئندہ ہفتے اپنے دورے پر جائزہ لینے سے آگاہ کیا۔

مزید خبروں اور اپڈیٹس کیلئے وزٹ کیجئے گرانہ بلاگ