اسلام آباد: چیف کمشنر اسلام آباد کے ٹوئیٹر بیان کے مطابق میٹرو بس سروس کو بہتر بنانے کے لیے روز مرہ کی بنیاد پر اسکا جائزہ لیا جا رہا ہے۔ اورنج ، گرین اور بلیو لائن روٹس عوامی سہولت کے لیے ستمبر تک کھلنے کی کوششیش کر رہے ہیں۔
چیف کمشنر محمد عثمان یونس نے سوشل میڈیا پلیٹ فارم پر لکھا کہ میٹرو سے متعلق میرا پہلا سنگِ میل جامع فیڈر نیٹ ورک کے ساتھ مکمل طور پر فعال کرنا ہے ۔
سی ڈی اے کی خریدی ہوئی بسوں کے ذریعے اورنج لائن میٹرو بس سروس کا ابتدائی آپریشن شروع کیا جا رہا ہے جس کے تحت یکم ستمبر کو کم از کم 20 بسیں چلائی جائیں گی۔
گرین لائن ہابئرڈ بس سروس پر تمام انٹرمیڈیٹ اسٹاپس کو مکمل کرنے کے لیے ہدایات جاری کی گئیں۔ جس کے تحت 27 اگست کو گرین لائن پر 10 بسیں چلیں گی۔
بلیو لائن لو فلور ہابئرڈ بس سروس پر 31 اگست تک 50 فیصد بس اسٹاپ مکمل کرنے کی ہدایات جاری کی گئی ہیں۔ جس کے تحت سی ڈی اے کی خریدی ہوئی 10 بسیں آپریشنل ہو جائیں گی۔
نسٹ کے ساتھ فیڈر روٹ اسٹڈی کو حتمی شکل دی جائے گی۔ اور ان فیڈر روٹس کے بنیادی ڈھانچے اور آپریشنل ضروریات کو فوری طور پر شروع کیا جائے گا۔
مزید خبروں اور اپڈیٹس کیلئے وزٹ کیجئے گرانہ بلاگ۔
