اسلام آباد: سی ڈی اے کا شہر کے مختلف علاقوں میں انسدادِ تجاوزات آپریشن

اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کے چیئرمین نور الامین مینگل کی ہدایت پر انفورسمنٹ ڈائریکٹوریٹ نے  اسلام آباد کے مختلف علاقوں میں متعدد انسدادِ تجاوزات آپریشن کئے۔ان کارروائیوں میں اسلام آباد انتظامیہ ، پولیس اور دیگر متعلقہ شعبوں نے حصہ لیا۔

تفصیلات کے مطابق منگل کے روز انفورسمنٹ ڈائریکٹوریٹ نے شاہ اللہ دتہ، میلوڈی،بری امام،_I-8 فیض آباد، G-7 ,G-9 اور بہارہ کہو کے علا قوں میں انسداد تجاوزات کاروائیاں عمل میں لائی گئیں۔ جن میں متعددتعمیرات گرا کر 13 ٹرک سامان ضبط کر لیا گیا۔ آپریشن کا آغاز شاہ اللہ دتہ گاوں کے قریب درہ سے کیا گیا۔ نیز آپریشن میں بھاری مشینری کا استعمال کرتے ہوئے 24 کمرے 6 واش روم 5 کچن اور1 گیٹ گرا کر  تقریباً 10 کنال سرکاری زمین واگزار کرا لی گئی۔

اس کے علاوہ بہارہ کہو میں بھی ضلعی انتظامیہ کی معاونت سے ایک بڑی انسداد تجاوزات کارروائی عمل میں لائی گئی۔اور مری روڈ اور سملی ڈیم روڈ کے رائٹ آف وے سے متعدد تجاوزات گرا کر 2 ٹرک سامان ضبط کیا گیا۔ جبکہ سیکٹر G-7 میں بھی پارکنگ ایریا اور روڈ سائڈ تجاوزات کے خلاف کارروائی کرتے ہوئے متعدد تجاوزات ہٹا کر 1 ٹرک سامان ضبط کر لیا۔ مزید یہ کہ  سیکٹر I-8  فیض آباد کے مقام پر تجاوزات کے خلاف بھر پور کاروائی کرتے ہوئے متعددتجاوزات مسمار کرکے سامان ضبط کر لیا گیا۔

بری امام میں قبضہ مافیا کے  خلاف انسدادِ تجاوزات کاروائی میں ایک کمرہ اور ایک چاردیواری گرا کر سرکاری زمین پر قبضہ کی کوشش کو ناکام بنا دیا گیا۔ اسلام آباد کے سیکٹر G-9/1 آئی اینڈ  ٹی سنٹر جو رہائشی گھروں کے سامنے ہے۔ اور جہاں تجاوز کنندگان کی طرف سے قائم تجاوزات کے خلاف آپریشن میں دکانات کے سے باہر تجاوزات ہٹائی گئیں اور سامان ضبط کی گیا۔

مزید خبروں اور اپڈیٹس کیلئے وزٹ کیجئے گرانہ بلاگ۔