جاپان: ایک جاپانی سٹارٹ اپ ایک ایسا تیرتا ہوا شہر تیار کر رہا ہے، جسے موسمیاتی تبدیلیوں کے مطابق ڈھالنے کے لیے ڈیزائن کیا گیا ہے۔
تفصیلات کے مطابق جاپان میں قائم ایک سمندری سٹارٹ اپ نے ڈوگن سٹی نامی منصوبے کا انکشاف کیا ہے۔ جو ایک تیرتا ہوا شہر ہے۔ صرف پائیداری ہی این آرک نامی سٹارٹ اپ کے فلوٹنگ سٹی کا مرکزی تصور نہیں ہے۔
یہ فلوٹنگ سٹی نہ صرف موسمیاتی تبدیلیوں سے ہم آہنگ ہوگا۔ بلکہ اپنے رہائشیوں کو صحت کی جدید ترین سہولیات، دیکھ بھال کی خدمات اور بیماریوں سے بچاؤ بھی فراہم کرے گا۔ مزید یہ کہ 390 ایکڑ پر پھیلے ہوئے، ’’نو اِلنیس‘‘ یعنی بیمار نہ ہونے والے اس شہر میں ایک وقت میں 40 ہزار افراد ہوں گے۔ ان میں 10 ہزار رہائشی اور 30 ہزار سیاح شامل ہوں گے۔ علاوہ ازیں اس کا کروی ڈھانچہ قدرتی آفات کا مقابلہ کرنے کے قابل ہو گا۔ نیز اس میں عوامی رہائش، میڈیکل ریسرچ سینٹرز، خوراک کی پیداوار کی سہولیات اور یہاں تک کہ خلائی جہاز کے لیے لانچ سائٹس ہوں گی۔
اس جاپانی سٹارٹ اپ این آرک (N-Ark) اپنی ویب سائٹ پر لکھتا ہے۔ "بحری تجارت اور مسائل سے متعلق ایک نئی بحری معیشت کی تشکیل کے لیے پالیسی، تجارت اور ٹیکنالوجی کی حکمت عملیوں کو اکٹھا ہونا چاہیے۔
شہر کا ڈیزائن تین سطحوں پر مشتمل ہوگا، جسے کمپنی نے "انڈسٹریز” کا نام دیا ہے۔ ہر ایک کا اپنا مقصد ہے۔ سب سے پہلے، ایک قابل رہائش، خود کفیل سمندری گاؤں ہے جو رہائش کا بنیادی ڈھانچہ فراہم کرے گا۔ اور ذہنی اور جسمانی دیکھ بھال کو فروغ دے گا۔ مزید یہ کہ انگوٹھی کی شکل اسے سونامی کے خطرے سے بھی بچاتی ہے۔ دوسرا، سمندر کے اندر قدرتی طور پر ٹھنڈا ہونے والا ایک ڈیٹا سینٹر توانائی کی کھپت کو کم کرے گا۔ جبکہ تیسری اور آخری سطح خلاء سے سگنل موصول کرنے، راکٹ لانچ اور لینڈنگ سائٹ کے طور پر کام کرے گی۔
مزید خبروں اور اپڈیٹس کیلئے وزٹ کیجئے گرانہ بلاگ۔
