ایل ڈی اے سٹی کی تیسری کمپیوٹرائزڈ قرعہ اندازی 4 ستمبر کو منعقد ہو گی

لاہور: لاہور ڈویلپمنٹ اتھارٹی (ایل ڈی اے) کے ایڈیشنل ڈائریکٹر جنرل اربن پلاننگ رانا ٹکا خان نے کہا ہے کہ ا یل ڈی اے سٹی کی تیسری کمپیوٹرائزڈ قرعہ اندازی 4 ستمبر 2021ء کو ہو گی اور اس حوالے سے تمام تیاریاں مکمل ہیں۔

قرعہ اندازی میں صرف وہ فائلیں شامل کی جائیں گی جن کے ایگزیمپشن لیٹر ایل ڈی اے سے جاری کئے جا چکے ہیں۔

ایل ڈی اے سٹی کی سپر وائزری کمیٹی کے  ایک اہم اجلاس میں مذکورہ ہاؤسنگ اسکیم کی تیسری قرعہ اندازی، ترقیاتی کاموں اور دیگر معاملات کا جائزہ لیا گیا۔

اس موقع پر ایڈیشنل ڈائریکٹر جنرل اربن پلاننگ رانا ٹکا خان کا کہنا تھا کہ ایل ڈی اے سٹی کے اقبال سیکٹر اور جناح سیکٹر میں جاری ترقیاتی کاموں اور مختلف بلاکوں میں واقع دو کنال، ایک کنال، پانچ مرلے اوردس مرلے کے پلاٹوں کی تعداد  سے متعلق امور بھی زیر بحث لائے گئے۔

مزید خبروں اور اپڈیٹس کے لیے وزٹ کیجئے گرانہ بلاگ۔