اسلام آباد: نیشنل ریڈیو اینڈ ٹیلی کمیونیکیشن کارپوریشن (این آر ٹی سی) نے وفاقی ترقیاتی ادارے کیپٹل ڈویلپمنٹ اتھارٹی (سی ڈی اے) کی مانگ پوری کرنے کے لیے الیکٹرک بسوں کی تیاری شروع کردی ہے۔
تفصیلات کے مطابق این آر ٹی سی نے اتھارٹی کو مطلع کیا ہے کہ بسوں کی تیاری پر کام کا آغاز ہو چکا ہے۔ اور 30 الیکٹرک بسوں کی پہلی کھیپ اگلے ماہ اتھارٹی کے حوالے کر دی جائے گی۔
پہلی کھیپ کی ترسیل کے بعد، ڈرائیوروں کو دو ہفتے کے تربیتی پروگرام سے گزرنا ہو گا۔ اس سے پہلے کہ الیکٹرک بسیں جون کے پہلے ہفتے میں اسلام آباد کی سڑکوں پر چلنا شروع ہو جائیں۔
ابتدائی طور پر یہ بسیں دو روٹس پر چلیں گی۔ ان روٹس میں آئی جے پی اور ترامری کو سنٹرل میٹرو بس سسٹم سے جوڑیں گی۔
علاوہ ازیں، سی ڈی اے پورے اسلام آباد میں 13 روٹس پر فیڈر بسیں چلانے کا ارادہ رکھتا ہے۔ جس سے اندازاً ایک لاکھ مسافروں کو اعلیٰ معیار کی سفری سہولیات فراہم کی جائیں گی۔
اس سے قبل سی ڈی اے نے سابق چیئرمین کیپٹن (ر) عثمان کے دور میں 13 روٹس پر چلنے کے لیے 200 الیکٹرک بسوں کا ٹینڈر جاری کیا تھا۔ تاہم، صرف دو کمپنیوں کی عدم دلچسپی کی وجہ سے ٹینڈر دوبارہ جاری کیا گیا۔ کئی میٹنگز کے بعد بالآخر یہ فیصلہ کیا گیا کہ این آر ٹی سی نئے روٹس کے لیے 200 الیکٹرک بسیں فراہم کرے گی۔
سی ڈی اے کو این آر ٹی سی سے بالترتیب جون اور جولائی میں 70 الیکٹرک بسوں کی دوسری اور تیسری کھیپ موصول ہوگی۔
مزید خبروں اور اپڈیٹس کیلئے وزٹ کیجئے گرانہ بلاگ۔
