خیبر پختون خواہ حکومت کا بجٹ ،ترقیاتی منصوبوں کے لیے تاریخ کی سب سے بڑی گرانٹ مختص

پشاور : صوبائی حکومت نے اگلے مالی سال کے بجٹ میں230 بلین روپےترقیاتی منصوبوں کے لیے مختص کر دیے۔ ذرائع کے مطابق صوبائی ڈویلپمنٹ پروگرام کے تحت 230 بلین خرچ ہوں گے جس میں صوبائی سطح پر 108 بلین، ضلعی سطح پر 46 بلین اور ڈونر اسسٹنٹ کے 82 بلین شامل ہیں۔ضلعی سطح پر بھی جو ترقیاتی فنڈ مختص کیا گیا ہے اس میں بھی 63٪ اضافہ کیا گیا ہے۔
مزید ازاں ترقیاتی منصوبوں کی مد میں مختص کیا جانے والے فنڈ کا 90٪جاری منصوبوں پر خرچ کیا جائے گا۔ صوبے میں تقریباً300 سکیمیں اگلے مالی سال میں مکمل ہو جائیں گی۔ھکومت نے تقریباً4 بلین کی رقم سڑکوں کی تعمیر پر خرچ کرنے کا فیصلہ کیا ہت تاکہ سیا حوں کو دور دراز علاقوں تک باآسانی رسائی ہو سکے جبکہصوبے میں سیاحوں کی حفاظت کے لیے مخصوص پولیس فورس بھی بنائی جائے گی۔