کراچی میں بڑے پیمانے پر ترقیاتی منصوبوں کا آغاز

کراچی: وزیرِ اعلیٰ سندھ مراد علی شاہ کا کہنا ہے کہ صوبائی دارلحکومت میں بڑے پیمانے پر ترقیاتی کاموں کا آغاز کر دیا گیا ہے۔

وزیرِ اعلیٰ نے اتوار کو لیاری، شیرشاہ اور ہاکس بے سمیت شہر کے مخلتف علاقوں کا دورہ کیا جہاں اُنہوں نے جاری ترقیاتی کاموں کا جائزہ لیا۔

اُنہوں نے زیرِ تعمیر سڑکوں، طوفانی نالوں اور اسپورٹس کمپلیکس کا بھی معائنہ کیا۔

اِس موقع پر ایڈمنسٹریٹر کراچی مرتضیٰ وہاب اور سیکریٹری لوکل گورنمنٹ نجم شاہ اور دیگر ان کے ہمراہ تھے۔

ترقیاتی کاموں کے حوالے سے اُنہوں نے کہا کہ وہ ذاتی طور پر کام کا معائنہ کریں گے تاکہ اِن کے معیار اور رفتار میں کوئی غفلت نہ برتی جا سکے۔

مزید خبروں اور اپڈیٹس کیلئے وزٹ کیجئے گرانہ بلاگ۔